店鋪位於十月初五街街頭，很易找。
我地一人叫左一個撈麵，價錢唔貴，但就無得優惠價加飲品，正價一罐汽水要9元
1
男友既花雕雞撈麵 $36 ，喜歡酒味既佢覺得好合佢口味，可是烏雞斬得太碎，影響口感
我既蟹黃雲吞撈麵 $54 ，呢個價錢係香港真係食唔到，仲要落足料，超級多蟹黃呀！！
食第一啖覺得幾鯹，之後加左少少浙醋同豉油吊味，鮮味出哂黎，真係好好味呀！
雲吞亦都非常出色，原隻蝦仁鮮甜爽口，咬每粒都有湯汁必出黎，好好味！
其實一個女仔食唔嗮一碟架，我食到好飽但太好味所以自己清嗮成碟，正
