影片
更多
2019-10-21
61 瀏覽
泰廚泰國菜館都幾大，有兩層，我哋就坐咗喺第一層，餐牌選擇都幾多，每日重有特價食品同加$1食品。平日都好多人等位呀，等左15分鐘就入到去。菠蘿炒飯好大碟，入面亦都好足料，有好多菠蘿，炒飯亦都好惹味。泰式炸蝦餅併春卷，蝦餅炸起脹卜卜咁，切開半邊圓拱型，外層炸得夠脆得黎又唔油淋淋，咬開蝦餅肉彈牙又香口。春卷都好香脆。串燒叫左一串豬、一串雞同一串和牛。呢度一次過淋晒啲沙嗲醬上面，唔使自己點。沙嗲醬惹味，d肉亦都燒得好好。馬拉盞炒芥蘭夠大碟又夠鑊氣，芥蘭炒得清脆碧綠，鮮嫩無渣。最後加$1要左椰汁西米糕，佢有兩層，第一層比較creamy，似係椰漿嘅感覺，底部係西米比較結實，唔會太甜，係適合炎炎夏日嘅甜品~
平日都好多人等位呀，等左15分鐘就入到去。
菠蘿炒飯好大碟，入面亦都好足料，有好多菠蘿，炒飯亦都好惹味。
泰式炸蝦餅併春卷，蝦餅炸起脹卜卜咁，切開半邊圓拱型，外層炸得夠脆得黎又唔油淋淋，咬開蝦餅肉彈牙又香口。春卷都好香脆。
串燒叫左一串豬、一串雞同一串和牛。呢度一次過淋晒啲沙嗲醬上面，唔使自己點。沙嗲醬惹味，d肉亦都燒得好好。
馬拉盞炒芥蘭夠大碟又夠鑊氣，芥蘭炒得清脆碧綠，鮮嫩無渣。
最後加$1要左椰汁西米糕，佢有兩層，第一層比較creamy，似係椰漿嘅感覺，底部係西米比較結實，唔會太甜，係適合炎炎夏日嘅甜品~
張貼
