5越越南餐廳 (已結業)

朋友話荃灣8咪半，新開有間幾好嘅越南餐廳，叫我有機會去試吓，咁啱我今日要去福來邨影相，如是就走咗去食個lunch。今日佢哋啱啱推出咗個假日優惠套餐，最貴都唔過＄80，仲包一份自選小食同飲品，係幾抵～我叫咗個雞翼撈檬，雞翼外脆內軟，唔油，幾好～我屋企人叫咗豬扒湯粉，豬扒略乾，不過份量足，兼有咬囗，相信只要爐火控制方面，能改變一吓，效果必截然不同。雖然係越南餐廳，但奶茶比好多茶餐廳出色，係今次嘅驚喜～貌似＂鬼口水＂嘅三色拉椰糕，更係我嘅推介～整體表現，包括員工服務態度，新開餐廳來說，算是一間有心嘅小店，下次我會試吓佢哋嘅晚餐。