卷之屋 (已搬遷) 新店位置

因為睇到FB嘅介紹而被誘惑，因為去葵芳睇戲嘅關係，所以就決定去葵涌卷之屋食大大件夾抵食嘅手卷。去到真係超多人堆埋響度，不過其實佢包嘅速度好快，所以等咗唔洗5分鐘已經有得食嚕！ 嘩嘩嘩嘩嘩！ 朋友仔食嘅係超～肥美三文魚腩手卷。咁大塊都係$21，真係抵到爛！公主我食嘅係同價嘅帆立貝手卷，相對肥美三文腩，又真係細舊咗啲，差咁啲不過都算係咁，叫做都幾大舊同甜嘅。另外，佢個豉油有分普通豉油同芥末豉油。可能個三文魚腩同帆立貝太油同冼水，啲芥末豉油流晒落啲飯度，搞到刺身無豉油味，但食到尾就好辣好攻鼻。如果諗到計改善就perfect池！總括而言，肥美三文魚腩都真係大件夾抵食，下次一定要食番幾件先得。