影片
更多
2022-11-13
1202 瀏覽
今天同男朋友、男朋友屋企人嚟食，跟住大中伏！(食完仲要肚屙！ 利申: 已經無食過刺身、生冷野) 之前已經嚟食過兩次: 第一次嚟食印象好好: 有芝士焗龍蝦任拎，俾人攞晒之後就再上，上得好快，蠔都好食(屋企人覺得) 、甜品仲有脆皮雪條，同埋朱古力火鍋，純粹環境比較舊。第二次嚟食: 主要都係想食芝士焗龍蝦，但係佢已經限咗每人每次攞半邊(官網無寫)，而且我咁啱坐喺貴賓廳附近，有好多小朋友係到跑嚟跑去，又嘈，入邊個媽咪都知道嘈到我哋，諗住閂門，但個經理唔知點解唔俾佢閂。今日第三次: 只能講係一次差過一次，已經冇咗芝士焗龍蝦，變咗做涷龍蝦(一樣都係每次每人攞半邊) ，仲要唔好食，我啱食嘅嘢唔多，就是但攞左個檳城蝦麵，但無論係面定係米粉都係咁難食。其他熟食都好難食，自問平時食嘢唔挑剔，但都唔係幾接受到。另外仲有甜品，只能講全部都係垃圾，難食到真係有啲想嘔，嗰啲奶凍全部都硬骨骨，另外抺茶提拉米蘇冇抹茶味，雞蛋仔同窩夫我望住佢即整，返到埋位，我即刻食，但都係淋，一啲都唔脆口。(真係好想知係點做到???)雪糕明明有四個位，但都淨係擺咗兩隻味: 士多啤梨、芒果，呢啲唔算多人食嘅味道，連最普通嘅朱古力都冇，仲
之前已經嚟食過兩次:
第一次嚟食印象好好: 有芝士焗龍蝦任拎，俾人攞晒之後就再上，上得好快，蠔都好食(屋企人覺得) 、甜品仲有脆皮雪條，同埋朱古力火鍋，純粹環境比較舊。
第二次嚟食: 主要都係想食芝士焗龍蝦，但係佢已經限咗每人每次攞半邊(官網無寫)，而且我咁啱坐喺貴賓廳附近，有好多小朋友係到跑嚟跑去，又嘈，入邊個媽咪都知道嘈到我哋，諗住閂門，但個經理唔知點解唔俾佢閂。
今日第三次: 只能講係一次差過一次，已經冇咗芝士焗龍蝦，變咗做涷龍蝦(一樣都係每次每人攞半邊) ，仲要唔好食，我啱食嘅嘢唔多，就是但攞左個檳城蝦麵，但無論係面定係米粉都係咁難食。
其他熟食都好難食，自問平時食嘢唔挑剔，但都唔係幾接受到。
另外仲有甜品，只能講全部都係垃圾，難食到真係有啲想嘔，嗰啲奶凍全部都硬骨骨，另外抺茶提拉米蘇冇抹茶味，雞蛋仔同窩夫我望住佢即整，返到埋位，我即刻食，但都係淋，一啲都唔脆口。(真係好想知係點做到???)
雪糕明明有四個位，但都淨係擺咗兩隻味: 士多啤梨、芒果，呢啲唔算多人食嘅味道，連最普通嘅朱古力都冇，仲要係自己不，唔係杯裝雪糕，導致衛生問題
除咗食物之外，服務質素都唔算好: 收碟速度好慢，我攞完嘢食，返到嚟之後啲碗碟仲喺度。
佢賣單果時仲送左3張50蚊現金卷比我地。到期日係至到下年二月，但係每台只能用一張，姐係如果想用晒佢，就要喺3個月內嚟三次？完全冇喺消費者角度諗過，真係好無語。
總之就係勁失望、勁難食，絕對唔推薦任何人嚟食！👎👎👎👎👎
張貼