大灰熊廚房 (裝修中)

入左將軍澳探朋友，2人小聚想叫餸食飯，下由朋友帶路，去左呢間「大灰熊廚房」。一入餐廳，就見到兩隻獨木舟掛左係牆上面。坐低睇menu, 原來有獨木舟租借連餐飲sets. 下次約埋朋友玩獨木舟可以預約下，玩完上岸仲有飯食☺️ 餐廳唔算大面積，一張大圓枱，另外附設卡座～ 格局比較清靜，傾計會好舒服。我地最後簡左2人套餐，有小菜2款，（選擇有好多）湯，飯同餐飲。▫️拔絲咕嚕肉 ：出品好靚，咕嚕肉斬得剛好一口蘇咁，好易食，酸甜度夠哂balance ~ 最欣賞係連青椒同菠蘿都切到細細塊，作為女士既我，特別易吃～ ▫️小炒皇 ： 賣相靚到呢😍😍 真心好耐無食過似樣既小炒皇了～～ 蝦球超爽口～～▫️西湖牛肉湯作為主菜前湯飲，味道唔會太濃👍 牛肉碎適中～