辣妹老七 (已結業)

朋友一向嚐辣，又成日話元朗無乜食店食辣野， 是日同朋友黎試下呢間辣妹老七，都開張左一排一直無機會試。口水雞酸辣粉朋友點左口水雞酸辣紅薯粉，要小辣都好紅咁喎。湯底少酸重辣，辣得黎係香口嘅，湯底好味呢。薯粉份量很多，滑滑的吸飽湯都幾辣下。口水雞一碟滿哂，呢個價錢好抵食喎，份量有出面小菜咁大碟。雞件嫩滑肉多，完全無雪味，個口水汁都好正。黃金皮蛋涼麵自己要左皮蛋涼麵，都係要小辣望落唔係好紅，調味主要有辣汁同花椒油，又香又辣又麻，個人黎計好啱口味。麵條彈牙，黃金皮蛋有咬口，拌勻後都不算太辣，好味好味。酸辣血旺呢碟真係超級抵食，$48居然有一盤！豬紅好嫩，啱啱好唔會夾散，個味同朋友個酸辣湯差不多，不過個人覺得朋友碗粉辣啲。除左豬紅，個底仲有大豆芽菜，海帶條，雪耳，鹹菜等，啲配菜吸飽湯汁好惹味。老干媽炒大腸呢味又係超級正，大腸清潔做得好無異味，炸得十分香脆，仲有芹菜，紅青辣椒，香蔥等一齊爆香，乾辣又係另一層次。貢菜炒肉碎坊間少見的貢菜啊～朋友見到即刻叫左一碟，睇餐牌張相以為係唔辣嘅添，太天真了，果然係辣妹，每一度菜都係辣㗎，哈哈。入返正題，呢碟貢菜都好正，啲貢菜清脆爽口，好有口感嘛。肉沫半肥瘦帶鹹香