牛大人台灣火鍋吃到飽 (形點 II)

營業中

休息中

好耐都冇食過任食邊爐嘅我，最近因為佢既《牛大人夢王祭》 而再度幫襯😃當日去到門口，原來湯底仲加左新款，分別係三椒酸菜鮮魚鍋🐟、醍醐蕃茄酸辣鍋🍅，不過因為敏仔唔食辣，所以都係揀返《鳳梨鮮雞鍋🍍》 湯底好足料，有半隻雞、花甲、好多娃娃菜同少量苦瓜清熱，揀左《極上和牛套餐》既，每人會包一杯《少爺PILSNER啤酒》同埋可以揀《夢王生雞蛋》或《醬油溏心夢王蛋》一粒，我哋都揀咗生雞蛋，因為鍾意牛肉點生雞蛋嘅口感🤤食到咁上下，我鍾意嗌返啲小食嚟食下，除咗鹽酥雞、台灣香腸、我仲嗌咗今次推出嘅《三色鮮蔬夢王脆蛋》我勁buy 呢款，因為入面有我最鍾意食既秋葵同蓮藕，整法都係鹽酥，外皮酥脆，蔬菜爽口🤤🤤🤤食完一輪，敏仔覺得口渴，就嗌埋《夢王布丁珍珠奶茶》，同埋截單嘅時候，除咗可以揀雪糕或仙草凍，更可以揀《夢王布丁🍮》食評總結：我係因為夢王蛋先過嚟，同埋食物種類真係非常繁多，食食吓打邊爐可以嗌啲小食食，又有啤酒飲，令我自己嗌多咗杯爆打檸檬茶，都好好飲，唔怪得知成日都咁多人啦。