世界の山ちゃん (已結業)

成日係銅鑼灣出沒，都未上過去食，朋友提議去試下，於是膽粗粗上左去試。我呢個日本迷見到餐廳入面佈滿日式裝飾，已經興奮到不得了，餐紙有得玩連線遊戲，好搞笑。叫左餐廳主打既雞翼，一上枱見到瘦猛猛，心諗，點解咁乾咁瘦既，食落果然唔夠juicy。可能翻炸掛，食落係就係好脆，不過太乾身，好似無乜肉咁。飲品係我最愛既綠茶latte, 味道略淡，唔夠綠茶味。整體不過不失，但如果作為晚餐就一定唔夠飽，但環境舒服，地方闊落，飲下啤酒吹下水都不失為一個好地方。