西蘭花班片，咖喱牛腩，羅漢齋
三款之中最好就是班片，魚片算多
每片都有咁上下的厚度，咁先有口感
滑得起嚟有鮮味同夠入味，餸飯一流
西蘭花稍微硬，朋友話叫爽口
硬定係爽咁就見人見智
咖喱牛腩十分淋，配料薯仔有兩大件
牛腩好似吾夠六少件，個汁唔夠辣
無乜咖喱香味，而且汁十分少
通常個咖喱汁用來撈飯，每人分得丁上咁多
羅漢齋，色水就幾好睇，又紅又綠
不過份量又係好細碟，係D汁襯托
不過實則一堆雜菜，稍為好食都係菇
茨汁又淡又稀，如果多少少蠔油汁就好
呢三份咁細份量的套餐
同三個白飯兩個人啱啱好
好在夜晚九點呢度客人得少少
見到周圍都有好多吉枱，而且其他客人
雖然好多客，但食完好快走
見到有些枱坐三轉，流水式的，但是甚住有吉枱保持
所以我地兩條友係度吹好耐水
大概坐咗一個鐘，呢度D服務員都吾會趕你
只不過大家要回家先離開，今晚合共都係百二元
仲有大熱天氣享受咁耐冷氣
有埋飲品，除了基本三杯飲品
我地仲叫佢地比咗三杯熱水
總結都算是過得去啦，所以一定再幫襯
