大家樂 (海濱花園) (已結業)

昨日唔知點解好想食西多士，就去左呢度食。要左西多士、牛奶麥皮同凍奶茶。有張五元優惠券，只係十七元咋。個西多士縮左水，但味道都幾好。加糖漿同牛油先最好味。牛奶麥皮應該叫煉奶麥皮會好點，因為佢真係加左煉奶落去。不過我都加左包砂糖，都唔算太甜啦(對我來說)。凍奶茶都係咁好飲，不過可能受其他食物既影響，味道好似爭咁D。呢餐令我想起N年前去澳洲牛奶公司食既一餐，全部都係甜野。個感覺有少少唔多好，但又好似無乜野咁。