GOCHISO (已結業)

上次行開雅蘭食過和民，發現對面有另一間同集團嘅店舖，今晚行完信和買了玩具，就一於去試吓先，雖然係同集團，但食嘅選擇完成不一樣，先有日式西餐嘅感覺，望吓餐牌重有地中海嘅風味，不過選擇多都會令我好難選擇，最愛嘅係套餐，望到Meat Lover Set for 2$388 有六個項目，前菜，餐湯，主菜，意粉或意大利飯，甜品，餐飲！係旺角又座得好差不多都要這個價錢，就食物選擇亦都相宜！先上了餐湯，鮮豆蔬菜濃湯配蒜蓉法包，湯唔算太濃味，但湯中亦有不少鮮豆，入口軟熟，加埋香脆嘅法包，上面沾滿了牛油蒜蓉，配合個餐湯確實不錯！前菜就點了秘製香辣炸雞翼同香腸配西班牙薯茸球，最緊要夠熱吃，雞翼單骨，入口香脆，一啜肉同骨分開，而香腸亦煙韌彈牙，最特別嘅係個薯茸球，外脆內軟，重要係咬開後，裡面啖啖薯茸！而另一個就要了Parma火腿配密瓜意大利沙律，肉質軟滑，加埋密瓜，口中就感覺到咸中帶甜嘅感覺！而飯就點了個烤雞扒蕃茄意大利飯，飯本身不是太硬，而個飯汁味道濃郁充滿蕃茄味，而雞扒亦烤得恰到好處！肉質嫩滑！重點主菜，選了香烤安格斯牛小排配牛柳，鐵板上，右上角有塊超熱嘅石塊，食牛小排或牛柳時可以加熱吃，一放上去立即出