古今

營業中

休息中

和朋友去開旺角，見到依間古今居酒屋，創意卷物多款幾特別，吸引左我地入去。環境係幾開揚的，店員提醒消費滿 $450 可於店門前的扭蛋機抽扭蛋一次，結果中了生啤，yeah~火山 $128原來係卷物堆成的小山，店員隨即在碟邊燃點起火，火山景象係幾壯觀的。卷物上放蟹柳絲、帶子，餡料布青瓜、牛油果，味道唔錯，打卡係幾好。櫻花蝦原條茄子燒 $88茄子大條開邊，口感綿綿，有燒肉汁和香口的櫻花蝦加持下，咸甜滋味。鹿兒島黑豚荔枝卷串燒 $32豚肉軟嫩，捲住香甜的荔枝，一咬爆汁，必然好食。黑豚豬頸肉串燒 $32豬頸肉厚切，香口彈牙，充滿油香。蒜香牛油燒帆立貝 $42帆立貝口感軟彈甜美，一啖一粒係幾滿足。炸雞芝士卷 $65卷物有雞肉和芝士，正常發揮。冬菇蝦肉天婦羅 $78天婦羅香脆可口，冬菇肉厚彈力幾好食。伊勢海老可樂餅 $48吉列外層酥脆，內餡有薯蓉，好少蝦粒，味道唔錯。Asahi Sour (Lychee) $58係荔枝味的氣泡酒，話係以伏特加為基酒，但溝了梳打，酒精濃度不高，荔枝味清甜幾好飲。Asahi (draught)生啤冰凍清爽，串燒配啤酒perfect match。