西塘花記 (已結業)

天氣越來越熱，氣溫不斷飆升，搞到冇乜胃口，所以唔係好想食飯，朋友約今晚飯局， 知道我胃口麻麻，就建議嚟呢間主打食餃子嘅餐廳。朋友話呢間餐廳提供唔同款式嘅餃子，總有一款啱我食。招牌五福水餃想每款餃都食所以叫了五福水餃，每款2隻，有剁椒魚水餃 、番茄牛肉餃、冬菇豬肉餃、海三鮮水餃、翡翠三鮮水餃，每款餃子各有特色，需要慢慢細嘗才能體會到每款餃子的分別 ，此外還配上雞湯，可以將餃子放在湯中一起吃另有風味。泡菜豬肉煎餃子煎的當然香口，泡菜本身很夠味，點醋酸酸辣辣，好味。手拍青瓜本身有青青嘅瓜味，加上他們嘅醃料更突出。雞絲冷麵這款冷麵鋪滿了不同的配菜，好似有雞絲、紅蘿蔔絲、青瓜絲、花生碎粒， 胡麻醬伴住食，不錯。鮮榨淮山露因為淮山本身唔係有味道，所以第一口飲唔出味道來，但慢慢飲下飲下，卻體會到淮山嘅味道，是養生之選。果然顏色吸引嘅餃子提升了食慾，而且味道唔錯，可以話係炎炎夏日天氣下嘅另外選擇。