松山海鮮鍋 (已結業)

有個朋友前排去完成都返嚟，對辣味上癮。無視我地嘅意見，叫咗四川麻辣鍋。好彩我地都係食得辣嘅人。一行四人都叫咗幾多配料。配料選擇多，質素亦都唔錯，我就特別中意食呢三款：1.生蠔，個個都大隻又肥美，仲會配上醬汁。你中意食原味又得，點啲醬汁食得惹味啲又得。我自己一個人都食咗三四隻。好鮮甜。2.牛肉，牛肉配麻辣湯底絕配啦！牛肉果種騷味加上麻香，真係好正！麻辣湯底叫多幾碟牛肉都唔怕，我地都係咁ENCORE！3.鵝腸：我打邊爐就無叫過鵝腸，今次一試就難忘啊！好有咬口，每咬一啖啲辣汁就炸咗出嚟，好辣但辣得好味！夏天食辣嘢咁係要配冰凍啤酒！舒緩下被麻辣折磨的嘴唇。