うまい鮨勘

營業中

休息中

因為有海港城 coupon，所以揀一間收 coupon 的餐廳，早一日打電話去訂星期日的 lunch，佢話訂枱 full 咗，叫我 walk-in，星期日 11am 去到，成功入座。因為未黎過，唔知叫咩好，睇返之前啲食評，多數都係話壽司、魚生、丼飯好食，叫咗個 $380 嘅極上壽司盛試下，有10件壽司，包括貴價嘢海膽、拖羅等等，ok 喎，魚生好新鮮，$380 咁多件仲有幾件靚嘢，都算好抵。另外叫咗一客極上大鮪魚腩蓉卷，六小件卷上面放咗一大堆吞拿魚腩蓉，好膨湃，好滿足。再叫咗一件海鰻壽司，個 presentation 好特別，好好食。因為老公鍾意食燒物，點咗好穩陣嘅燒雞翼，個樣燒得好靚，可惜唔夠味，好淡。個燒油甘魚鮫燒得非常之好，油脂豐富，又香又滑，可惜又係唔夠味，我哋問侍應拎咗樽鹽，自己加。Overall 係好食的，服務都幾好，會再幫襯。