壹蒸鍋

營業中

休息中

今日來兆萬食我期待已久的壹蒸鍋，唔好講咁多，先來個刺身料理先！選擇多多，包括三文魚、甜蝦、八爪魚、油甘魚、馬刀貝、鯛魚、榮螺片、希靈魚、玉子等。刺身雖然唔係上等靚貨，但整體新鮮又肥美，真係喜出望外，合格有餘！送嘅！然後是主角海鮮蒸鍋！店家會提供計時器，set好timer 就唔怕蒸過龍。你講得出嘅海鮮都有，仲加左粉絲，食到舔舔脷！主角2號就係下面的「招牌瑤柱龍躉魚粥」，鍾意食粥嘅朋友一定唔可以錯過！打邊爐飲品櫃包羅萬有。醬料區，打邊爐用。每人$300就食到咁多野，又刺身，又蒸海鮮，又魚粥，又火鍋，真係放題都要行埋一邊！