NUTTEA (海光街) (已結業)

返工附近一直都有呢一間飲品店，而且每次都好多人排隊。今日咁岩見到冇乜人排隊，所以就同朋友入咗去試飲下啦！入邊嘅裝修比較簡潔，而且啲職員都好好人，好有禮貌。店舖入邊有介紹唔同堅果嘅資料，呢一間店舖主打堅果嘅飲品，其實都幾特別，至少我喺香港未見過！而且佢仲有一個介紹牌，介紹佢哋唔同飲品嘅甜度，清晰非常簡潔。喺Menu上見到呢一個伯爵朱古力堅果奶蓋茶係最推介嘅，所以都買咗杯黎試吓！佢上面嘅奶蓋差唔多佔咗成杯嘅三份之一，勁足料！佢上邊嘅奶蓋好creamy，配埋一啲黑朱古力粉，成個口感好正！而且我嘅茶係嗌左無糖，飲落去唔會好膩！