亞金南洋茶室 (黃大仙中心南館)

營業中

休息中

舖頭環境係幾大，入座時周圍都有位，但職員就咁指我哋去坐個門口好窄嘅一人位（我哋係兩個人），嗰個位隔離客人個袋已佔咗一半，一睇就知會坐得勁唔舒服，於是我環顧四周，見入啲有卡位，我就問可否坐入面，個職員就黑面話“是但你”，由於餐廳係qr code落單，個職員將夾住qr code張飛嗰塊板好粗魯咁飛落我哋張枱，朝早面對咁嘅態度，我對佢個早餐已經冇期望，就算冇發生呢件事我都不會有特別期望，因為只是人均$40蚊食例牌嘅沙爹牛麵同炸魚柳，結果我食完個沙爹麵，我家人塊魚柳都未到，我哋已經冇催單，因為我哋一心認為魚柳係即叫即炸，製作需時，點知結果係凍嘅，魚柳個邊又燶又硬。