Fill In (已結業)

響市區搵一個又大又舒適嘅餐廳同全家人食飯唔係一件容易嘅事情，仲想要有空間俾小朋友玩真係難上加難。今日，今日俾我搵到啦，但可惜疫情關係樂園嘅部份暫停開放。唔開心嘅事唔講啦，去返美食部分。法式龍蝦湯（$58）蝦味濃郁，夠滑口，酒味唔重唔苦，值錢相宜，絕對值得試！鮮蜆香辣蒜蓉意粉（$118）蜆味鮮，意粉煙煙靭靭，少許辣味好引人。全日早餐（$138）辣椒乾多士有驚喜，蕃茄烤出燒烤味，茄汁豆居然有蕃茄蓉，羽衣甘藍沙律嘅醬汁好fresh，香腸、煙肉、牛角包、滑蛋都係水準之作。