巴蜀燒 (已結業)

去九龍城唔一定要食泰國野既，今次食左呢個燒物店。地方位於衙前圍道84號既角落位，一眼就見到。門口大大隻字寫住招牌菜係城寨銀針粉$35，點都應該要試下既。湯底味道夠濃，另外有D菇和肉碎。銀針粉比較爽口彈牙。整體上一口銀針粉同湯一起食，口感唔錯咖。話明燒物店，緊係要試下佢地既燒野食。海虎蝦$48／7吋海中蝦$28，大隻，重蝦味，外邊燒到脆卜卜，但裡面既肉就好鮮嫩。燒大元貝$38，真係大大隻咖，肉質陣牙，用左芝士一齊燒，芝味岩岩好，帶到味。芝士燒西蘭花，又燒得岩岩好Wo，西蘭花仲爽口既。野食都有好多選擇。唔錯。