咁岩係銅鑼灣行完街，就諗住近近地去大坑食下嘢！受疫情影響，大坑嘅食肆好似又再靜咗，今次係星期日晚去，都少咗好多人。
由於唔太肚餓嘅關係，諗住食碗麵就算，揀咗前座飯堂，諗住食下好少見嘅川式車仔麵！
一入到鋪頭，就被店內嘅裝飾吸引住，懷舊得黎好型格，有種唔係2020年呢個年代嘅感覺！如果咁岩係附近想食下辣嘢，都值得入去食碗麵，欣賞下店舖環境。
食物
豬大腸海帶結酸辣紅薯粉（中辣多酸）😋豬大腸超好味，好肥美（但唔會油），煮得好入味，必食！💛
🙂海帶結偏鹹，好爽口，可以一戰
🙂酸辣粉夠煙韌，湯底香辣惹味，但略鹹
1
麻醬雞絲涼拌紅薯粉😊麻醬好香，加埋雞絲好夾
😔紅薯粉黐埋一舊，好難咬開，咬得唔夠會容易濁親，可能配米線會好啲
時菜😋菜心好甜，似菜心苗，好味，18蚊黎講算好抵食，又大份！
