影片
更多
2020-12-10
590 瀏覽
大角咀由以前嘅一個舊區， 慢慢演變成一個充滿酒吧、食肆嘅蘇豪小區。以前大角咀嘅感覺都係車房林立， 隨著新型屋苑嘅進駐， 開始加入咗形形式式、 各有品味特色嘅酒吧同餐廳。呢一間位於利奧坊商場地下嘅《Eaaat.here 》， 集酒吧和餐廳於一身， 餐廳裝修相當型格， 以黑白色作為主調，打卡一流。 配上輕快嘅音樂， 絕對係同三五知己chill吓嘅好地方。餐廳嘅食物非常之國際化， 提供咗日本嘅串燒、 墨西哥Taco同Narchos、 西班牙Tapas、 同意大利嘅意粉等。 總會搵到一樣心水嘅佐酒食物。酒精飲品方面亦同樣提供咗多元化的選擇， 有日本的清酒以及梅酒， 西班牙的Sangria ， 威士忌、Vodka等等。對於選擇困難症嘅朋友嚟講， 真係有點困難。呢一間吧提供咗幾款signature cocktail，呢杯《Fresh. Here》 用咗比較中性嘅Gin酒調配，Gin 用咗唔同嘅香料嚟蒸餾，滲出唔同嘅香氣， 另外亦加入咗充滿梅香嘅Chambord Liqueur ， 帶點點果香， 配合埋檸檬汁嘅酸， 非常之開胃及易入口。小食點做一個比較香口嘅《炸單骨雞翼》， 雞翼即點即炸， 金黃色的
以前大角咀嘅感覺都係車房林立， 隨著新型屋苑嘅進駐， 開始加入咗形形式式、 各有品味特色嘅酒吧同餐廳。
呢一間位於利奧坊商場地下嘅《Eaaat.here 》， 集酒吧和餐廳於一身， 餐廳裝修相當型格， 以黑白色作為主調，打卡一流。 配上輕快嘅音樂， 絕對係同三五知己chill吓嘅好地方。
餐廳嘅食物非常之國際化， 提供咗日本嘅串燒、 墨西哥Taco同Narchos、 西班牙Tapas、 同意大利嘅意粉等。 總會搵到一樣心水嘅佐酒食物。
酒精飲品方面亦同樣提供咗多元化的選擇， 有日本的清酒以及梅酒， 西班牙的Sangria ， 威士忌、Vodka等等。對於選擇困難症嘅朋友嚟講， 真係有點困難。
呢一間吧提供咗幾款signature cocktail，呢杯《Fresh. Here》 用咗比較中性嘅Gin酒調配，Gin 用咗唔同嘅香料嚟蒸餾，
滲出唔同嘅香氣， 另外亦加入咗充滿梅香嘅Chambord Liqueur ， 帶點點果香， 配合埋檸檬汁嘅酸， 非常之開胃及易入口。
小食點做一個比較香口嘅《炸單骨雞翼》， 雞翼即點即炸， 金黃色的外皮相當酥脆，而且食起嚟方便。
墨西哥taco方面就點做呢個《烤豬頸肉墨西哥夾餅》， 豬頸肉醃製得非常入味， 加上傳統嘅Salsa番茄醬汁， 入口非常之juicy， 另外亦加入咗椰菜以及生洋蔥， 食落更加提供咗爽脆嘅口感。
不得不點嘅係呢一個《鵝肝醬多士》， 比起鵝肝少了一份油膩感， 但卻可以品嘗到鵝肝嘅甘香。 多士烘烤得相當鬆脆， 鵝肝醬加上甜甜酸酸嘅醬汁，集羶、香、甜於一身， 令人印象難忘。
再來一個日式的《刺身蝦配香辣紫蘇青檸汁》，當日式蝦刺身配上紫蘇和青檸汁製成的特製酸汁， 感覺相當新鮮。 紫蘇的獨特香氣令人仿如置身於日本， 襯托出蝦刺身的鮮甜和彈牙。
另一樣必點嘅項目就係《墨西哥烤粟米》， 起初只是因為想吃粟米而點這道小食，誰知是充滿驚喜嘅一道菜式。 粟米香甜不在話下， 追追追重點是加入咗墨西哥的Cotiji cheese， 呢個墨西哥芝士係有牛奶製成， 帶點濕潤而且又不會太鹹， 加埋特製嘅沙律汁， 真係好味到停唔到口。
另外餐廳亦提供作多款嘅日式串燒， 牛舌簡單以海鹽調味以相當美味。
最後點咗呢度嘅Signature dessert 《 士多啤梨蘋果金寶伴雪糕》， 呢一個甜品打卡一流， 起初還以為甜筒是分開食， 影完相之後才是戲肉， 用匙羹大力扑碎甜筒，令雲呢拿雪糕和熱辣辣的蘋果crumble混合， 用玉桂煮過的蘋果帶有濃郁嘅香料味， 非常具聖誕感覺。
餐廳開張不久就遇上疫情第四波， 面對困境， 大家一定要多多支持。
張貼
