Give Me 5 (已結業)

呢間餐廳一直想試，佢有分兩個部份，一個就係海鮮任食再加一個主食咁一個人，另一個就係就咁set。由於怕食唔晒嘅關係就咁叫咗個二人set就算。餐包左餐湯同埋餐包,餐湯係紫薯湯，唔錯雖然唔係話十分之濃既紫薯味，但係幾好飲，唔會話好流。煙三文魚沙律本身諗住佢啲煙三文魚就咁擺喺度，點知佢有擺盆，唔錯。同埋佢一啲都唔吝嗇胡麻醬。澳洲肉眼扒我哋揀咗5成熟，熟到啱啱好，而且都算大塊，算係有擺盆。意大利西西里茄醬意大利粉伴軟殼蟹識我嘅人都知我鍾意食軟殼蟹，佢呢個軟殼蟹都幾香脆，唔會話好似出邊嗰啲咁樣咁多粉。而且蕃茄意粉落咗足料蕃茄。甜品有驚喜竟然係藍莓芝士蛋糕伴雪糕佢仲要比左兩隻唔同味嘅雪糕俾我哋，唔錯唔錯呢個地方真係幾舒服，啱晒我哋呢啲要傾偈傾好耐嘅人。同埋佢地方都算大，又有得掉標同埋篤波。