我地黎等位嘅時間都未係晚餐最多人等位嘅時間，所以等左5-10分鐘，執好左張檯就可以俾我地入座啦~
今次就安排左我同老婆坐卡位，唔洗同人迫，都幾好~
食放題嘅好處就係自己鍾意食乜就叫乜，而呢度嘅食物選擇都好多種類
去食放題真係要食刺身先抵返架~ 先黎一盤刺身先
由於收工太肚餓，就點左D壽司
呢度嘅蟹棒壽司都幾好味
再黎三款三文煞壽司，都好味
仲有其他熟食，燒物，甚至連火鍋都有添
呢個芝士焗蝦又係唔錯，蝦肉都唔係話好「梅」，算係幾好質素
至於呢個鮑汁鴨掌，真係第一次喺放題見到，幾有新意嘅
甜品櫃入面仲有好多選擇添。而且每款都細細件/ 細細杯，唔同款式都可以試下，岩曬有選擇困難嘅我呀!
