重慶劉一手火鍋店 (利東街) (已結業)

印象中重慶劉一手係食火鍋嘅舖頭，朋友發現原來佢地都有推出火鍋以外嘅午市套餐喎！無辣不歡嘅我一定要試試啦呢個套餐本身包括3款配料，配埋麻辣湯底，感覺係火鍋版嘅車仔麵我揀咗麻辣火鍋必食嘅鴨血、蒿筍同埋鹵水雞翼，等待期間見佢地生意都幾好喎，仲有好多外國人專程嚟食麻辣火鍋。碗麵一上枱已經聞到好香花椒味，辣味搶口，又未到辣到變孖膶腸嘅程度，食得好過癮，配料方面係有啲唔夠喉，但呢個價錢食到正宗嘅麻辣湯底小麵已經好感動，期待下次夜晚試試佢地嘅麻辣火鍋！