滷江湖 (已結業)

放工想食潮州打冷同埋蠔仔粥，見潮州菜關注組推介呢間鹵江湖,見到人地post咗好美味的鹵水鵝肝相,忍唔住要黎試試,果然無令人失望鹵水拼盤(細)份量都幾多,有4款滷水(豬頸肉,豬耳,豬蹄同埋雞腎),豬頸肉好彈牙,又香油脂。豬耳同豬腎都滷得好入味,有八角的香氣,餸酒一流。豬蹄最好味，肥瘦適中,而且滷得好淋,豬油入口即溶蠔仔粥用料非常有誠意,超級多蠔仔,而且粒粒脹卜卜,好鮮甜,潮州粥本身口感都唔錯,重胡椒味,有少少辣韮菜豬紅又係勁大份,豬紅本身好彈,唔會淋patpat咁,有咬口滷水鵝肝必食推介, 鵝肝好滑好彈牙,咬落啲油脂慢慢溶化係口腔度,好正