我地叫左半半炸雞既柚子味同原味，韓式炒年糕，烤原條魷魚，一杯雜果梳打同埋一杯藍莓沙冰～
炸雞份量好多，眼見雞鎚雞翼雞背好多位都有齊晒😯
柚子味濃郁，清新唔會太膩，大部分都好嫰滑juicy😋
原味就咁灑左啲檸檬汁係面都好香脆好好食👍
韓式炒年糕面頭有隻微暖既雞蛋，岩晒我呢個無蛋不歡既人😎
醬汁香辣幾岩夏天要黎開胃👍 但年糕就有啲乾身同略嫌唔夠煙韌，反而配料魚糕就相對入味同煙韌😯
烤原條魷魚燒得好靚😍 岩岩好唔會太熟夠彈牙，面頭既醬同芝麻令帶有少少焦香味既魷魚味道更上一層樓👏
兩杯飲品賣相都好靚岩晒要黎打卡😂
雜果賓治好足料，酸酸甜甜幾好飲👍
好彩我地7點就黎到，因為見之後都keep住要等位🙈
呢間餐廳都幾岩靚女們黎打卡拍照，因為裝修得都幾少女心❤️🤣
1
