影片
更多
2018-10-12
45 瀏覽
今日約左朋友去荃灣行Ikea傢私, 去到先知原來果度都有幾多餐廳進駐左係度, 見shopping 完都差唔多時候醫肚, 所以就揀左間裝修幾靚嘅台灣嘢試試。餐廳行簡約風, 加上樓底都幾高吓, 係度坐吓食吓hea吓都幾舒服架。望吓餐牌, 選擇都幾多吓, 我同朋友就點左四樣嘢一齊食。先黎係滷水拼盤, 個size兩個人食都算大份, 有滷蛋, 雞翼, 牛肚同豆腐。牛肚絕對係有驚喜嘅好食, 夠哂入味, 雞翼都唔錯吓。之後黎嘅係肉燥飯同肉燥拌麵 , 食台灣嘢嘛, 冇可能冇肉燥掛? 其實兩個餸嘅料係一樣嘅, 只不過係我同朋友一個係冇飯不歡, 一個係冇麵不歡, 所以索性叫哂兩樣主食黎食。肉燥同期望一樣, 係咪濃果隻,肉唔肥, 食落有口感, 唔似出面好水好水果種, 屬水準之作。至於全餐最欣賞嘅係依個三杯雞, 用熱鍋上嘅, 熱辣辣, 夠鑊氣, 濃味控人士不容錯過, 提議用黎送飯麵, 一流!整體黎講, 服務同食物質素都好! 下次有機會會再黎幫襯!
餐廳行簡約風, 加上樓底都幾高吓, 係度坐吓食吓hea吓都幾舒服架。
望吓餐牌, 選擇都幾多吓, 我同朋友就點左四樣嘢一齊食。
先黎係滷水拼盤, 個size兩個人食都算大份, 有滷蛋, 雞翼, 牛肚同豆腐。牛肚絕對係有驚喜嘅好食, 夠哂入味, 雞翼都唔錯吓。
之後黎嘅係肉燥飯同肉燥拌麵 , 食台灣嘢嘛, 冇可能冇肉燥掛? 其實兩個餸嘅料係一樣嘅, 只不過係我同朋友一個係冇飯不歡, 一個係冇麵不歡, 所以索性叫哂兩樣主食黎食。肉燥同期望一樣, 係咪濃果隻,肉唔肥, 食落有口感, 唔似出面好水好水果種, 屬水準之作。
至於全餐最欣賞嘅係依個三杯雞, 用熱鍋上嘅, 熱辣辣, 夠鑊氣, 濃味控人士不容錯過, 提議用黎送飯麵, 一流!
整體黎講, 服務同食物質素都好! 下次有機會會再黎幫襯!
張貼
