更多
2012-03-31
215 瀏覽
住喺粉嶺，一直都唔知道和興村有間家庭式經營既“大排檔”，都係經朋友介紹下先知識得來呢度搵食！試過母親節前後來，等位等到不得了，閒日來就好好喇，又唔使等，又唔使同人迫！呢度淨係做夜市，所以六點後先好來，星期一至五仲有特價小菜，價錢非常抵食！今晚又來開飯，來親呢度有D野一定要叫！一係例湯！二係鹹蛋黃豬扒！三係黃金磗！ 例湯一個細瓦煲仔，無味精老火湯！只係承惠＄10！去邊度會搵到！？有料有味有質素！四五個人飲一煲都夠！其實仲想ENORE，不過就會食唔到餸（女仔既話），所以一煲食飯前飲剛剛好！鹹蛋黃豬扒，平生除左紅豆，鹹蛋簡直係我至愛，白烚的鹹蛋我都愛，不過要挑過，多油的咁先好！呢D都唔重要，呢度因為係即叫即做既關係，上菜既時候熱辣辣，面頭乾爽既豬扒配上微甜的鹹蛋黃，不會太過油膩，帶微辣，而且“沙沙”的口感，配飯一流！黃金磗即是脆皮豆腐，剛炸起的時候上菜，入口小心太熱！外面非常香脆，少許CRUNCHY的口感，內裏的豆腐則是非常軟滑，味道主要來自外層的鹹味，單吃也不錯！今晚仲叫左粉絲蒸扇貝（例牌4隻）、上湯枝竹蒸蛙蛙菜、鮑片炒西蘭花同埋煎釀雞脾菇。粉絲蒸扇貝比較過火了，乾了一點。上湯枝竹蒸蛙
今晚又來開飯，來親呢度有D野一定要叫！一係例湯！二係鹹蛋黃豬扒！三係黃金磗！
例湯一個細瓦煲仔，無味精老火湯！只係承惠＄10！去邊度會搵到！？有料有味有質素！四五個人飲一煲都夠！其實仲想ENORE，不過就會食唔到餸（女仔既話），所以一煲食飯前飲剛剛好！鹹蛋黃豬扒，平生除左紅豆，鹹蛋簡直係我至愛，白烚的鹹蛋我都愛，不過要挑過，多油的咁先好！呢D都唔重要，呢度因為係即叫即做既關係，上菜既時候熱辣辣，面頭乾爽既豬扒配上微甜的鹹蛋黃，不會太過油膩，帶微辣，而且“沙沙”的口感，配飯一流！
黃金磗即是脆皮豆腐，剛炸起的時候上菜，入口小心太熱！外面非常香脆，少許CRUNCHY的口感，內裏的豆腐則是非常軟滑，味道主要來自外層的鹹味，單吃也不錯！
今晚仲叫左粉絲蒸扇貝（例牌4隻）、上湯枝竹蒸蛙蛙菜、鮑片炒西蘭花同埋煎釀雞脾菇。
粉絲蒸扇貝比較過火了，乾了一點。
上湯枝竹蒸蛙蛙菜，比較是油了一點，少少鹹味，枝竹份量很多，食左咁多煎炸既餸都消到濟，不過若果可以上湯份量多一點再清一點會較好！
鮑片炒西蘭花，炒得剛口，西蘭花很脆口，飽片應該係罐頭的，所以都已經好夠味。
煎釀雞脾菇，釀上魚肉雞脾菇，再拎去炸，好似煎釀三寶咁，雖然面層有不少油，但內裏非常多汁！這個餸酒應該幾好！哈哈！四個人食咁多味都清得晒，同埋其實四五十蚊一個餸，又幾大碟，都真係好抵食！所以呢度星期五六都要等位！要食既話閒日來會好D～
張貼
