影片
更多
2009-04-10
13 瀏覽
近日無論試新野，或者係返去 D 「大眾化」食肆，總是覺得水準一般。是否因為這陣子與「食神」距離甚遠？還是自己要求高了？總覺得近日少了給笑面..在深水埗開完會，想起了一位老朋友，那便沿着紅色地鐵線落港島區。Pizza hut，相信各位對這名字已很熟悉。儘管 pizza hut 的 pizza 與正宗意式 pizza 有所出入，它仍是港人常去的餐廳，更是大班朋友 gathering 的聚腳點。朋友的男友都來食飯。三個人叫左四樣野: 沒有沙律吧，便叫了煙三文魚凱撒沙律、半份西班牙白酒藍青口、本人至愛海鮮寬條麵、超級至尊細厚批，另還叫了檸檬健怡百事。 煙三文魚凱撒沙律: 賣相唔得，可以睇相... 三文魚是暗紅色的，而蔬菜亦好像不太新鮮，那時心想: "my god !" 但食落去又唔差喎﹗三文魚比唔係話唔新鮮，兩塊薄薄的... 煙薰味岩岩好，唔會過鹹... 雖然不是頂級水準，但可以接受的。而蔬菜是清甜，同埋好爽口，今次真係「菜不可以貌相」了... 而沙律醬亦都係誠意之作，蛋黃與其他醬料配合得岩岩好，有融為一體的感覺。不過，沙律上所謂的「麵包粒」並非大 size 的麵包糠，而是切粒的蒜蓉包，雖然
在深水埗開完會，想起了一位老朋友，那便沿着紅色地鐵線落港島區。Pizza hut，相信各位對這名字已很熟悉。儘管 pizza hut 的 pizza 與正宗意式 pizza 有所出入，它仍是港人常去的餐廳，更是大班朋友 gathering 的聚腳點。
朋友的男友都來食飯。三個人叫左四樣野: 沒有沙律吧，便叫了煙三文魚凱撒沙律、半份西班牙白酒藍青口、本人至愛海鮮寬條麵、超級至尊細厚批，另還叫了檸檬健怡百事。
煙三文魚凱撒沙律: 賣相唔得，可以睇相... 三文魚是暗紅色的，而蔬菜亦好像不太新鮮，那時心想: "my god !" 但食落去又唔差喎﹗三文魚比唔係話唔新鮮，兩塊薄薄的... 煙薰味岩岩好，唔會過鹹... 雖然不是頂級水準，但可以接受的。而蔬菜是清甜，同埋好爽口，今次真係「菜不可以貌相」了... 而沙律醬亦都係誠意之作，蛋黃與其他醬料配合得岩岩好，有融為一體的感覺。不過，沙律上所謂的「麵包粒」並非大 size 的麵包糠，而是切粒的蒜蓉包，雖然 pizza hut 的蒜蓉包是我喜愛的菜式之一，但這樣未免太「就地取材」了。
西班牙白酒藍青口 (半份): 青口細粒是意料中事，比 $50 怎能期望是紐西蘭青口呢？質感是有的，但鮮味不足... 白汁煮得麻麻: 第一，太杰，好似一 pat 槳咁; 第二，唔知係咪佢地隻白酒唔係好岩煮餸，食落去酒味係出，但有少少唔應該食到既酸味。而佢上面有蕃茄粒，但好明顯係最後先加，所以酸味不是由蕃茄而來的。建議可以加少少蒜蓉去整，會香濃一點。
海鮮寬條麵: 由細食到大，是本人的最愛。可是，不同分店的海鮮寬條麵質素參差，有時唔夠熱有時唔夠料。今次佢焗得好靚，微微金黃色的。個汁既分量岩岩好，而海鮮方面亦沒有「偷工減料」，加上香濃的芝士和奶味，好食﹗
超級至尊厚批: 呢個係... 最最最令人失望的﹗以前的超級至尊批是「色彩繽紛」的，但現在的「主角」卻換了是芝士﹗不知是否因為節省成本的緣故？菠蘿寥寥可數，難見青椒踪影，仲有其他配料的份量都是少之有少.. 食落去係「啖啖芝士」~ 但超級至尊是以料多取勝，如果是純吃芝士的，那便會叫其他款式吧﹗真係希望餐廳會作出改善，再咁「偷工減料」法，好易冇晒 d fans 的﹗
環境唔差，同其他 pizza hut 冇乜分別。預左佢唔會好靜，那不是它的風格啊﹗而服務就一般，侍應笑容不足，但不至於令人唔舒服。
三個人，食到八成飽，散叫冇優惠，埋單位位一百二十。其實唔算平，間唔中一次就 ok，但唔會成日去食了﹗
張貼
