又幾好食！有啲驚喜啵！
環境都唔錯！坐得舒服！
—————眷村紅燒牛肉麵——————-
湯底濃郁辣辣地，少許藥材味！
蘿蔔腍身入味，大大塊牛𦟌勁滿足，
係台灣嘅味道！
如果麵條份量多啲會更好！
———————話梅小蕃茄———————
其貌不掦嘅蕃茄仔，估唔到俾我驚喜！
一咬落去，茄肉有好多汁爆出黎！
再加埋啲梅汁 ，酸酸甜甜，
係一道開胃嘅餐前小吃，
必試推介！
——————-黑橋牌台式香腸—————
知名品牌嘅香腸 ，味道唔駛多解釋！
配以蒜片同大蔥 ，非常惹味，
重口味人士可以一試！
小菜上檯之後記得快啲食，凍左會覺得好油！
——————-士林炸花枝丸——————-
外皮香口，咬落去幾彈牙，
不過味道一般，好似冇乜調味咁！
———————水果烏龍茶——————-
味道比起坊間幾間出名水果茶略嫌遜色，
甜度都適中！
有蘋果，西瓜，熱情果同橙！
——————香橙茉莉花茶——————
茉莉花味，同香橙幾夾，
適合平時唔鐘意飲甜野嘅人！
總結：
啲野食上菜速度幾快，唔駛等好耐！
室內佈置簡約整齊，好有文青feel，
好鐘意佢有咁多綠色植物，
令人覺得好舒服！
細心位係外賣區有張bar檯仔俾你坐下！
