更多
2020-09-29
2733 瀏覽
今日約咗個朋友嚟到大角咀附近，咁岩見到呢間門面幾特別嘅台灣餐廳，而我朋友又超級掛住滷肉飯，所以就入去試吓。入到黎佢入邊個環境都好特別，真係好似去咗台灣嘅小店咁。牆上面嘅餐牌亦都好有懷舊感，啱晒鍾意舊嘢嘅我。首先我就揀咗個牛肉麵，佢個湯底帶點甜，真係好似台灣嘅牛肉湯，佢啲牛肉超軟腍，又入晒味，好正。而佢啲麵係比較幼身少少，食落煙煙銀銀得來又彈牙。而我朋友梗係揀咗個滷肉飯啦，佢個滷肉飯真係超多汁，第一次食過滷肉飯係食完晒啲飯個底仲有汁剩，個飯未食，淨係聞到都已經好香，啲滷肉又腍又入味。小食就點都唔少得鹽酥雞，佢啲炸粉一啲都唔厚，啲雞都醃都好入味，咬落仲好Juicy添。然後呢度仲有台灣嘅特色小食，蛋餅，我哋試咗個芋泥蛋餅，佢入邊啲芋泥甜甜地，再加埋少少芝士同埋肉鬆，膩就膩咗啲，但係好好味。最後再加埋一個健康嘅肉燥A菜，我成日將呢種菜同油麥菜撈亂，但其實佢有一個獨立嘅品種，係真係得台式餐廳先會有。最後再加埋台式飲品，分別係冬瓜茶同埋茉莉蜂蜜綠茶，兩個都唔會太甜之餘，茶味有夠出，完美嘅一餐台式晚餐，食到我哋兩個都捧住個肚走。
入到黎佢入邊個環境都好特別，真係好似去咗台灣嘅小店咁。
牆上面嘅餐牌亦都好有懷舊感，啱晒鍾意舊嘢嘅我。
首先我就揀咗個牛肉麵，佢個湯底帶點甜，真係好似台灣嘅牛肉湯，佢啲牛肉超軟腍，又入晒味，好正。
而佢啲麵係比較幼身少少，食落煙煙銀銀得來又彈牙。
而我朋友梗係揀咗個滷肉飯啦，佢個滷肉飯真係超多汁，第一次食過滷肉飯係食完晒啲飯個底仲有汁剩，個飯未食，淨係聞到都已經好香，啲滷肉又腍又入味。
小食就點都唔少得鹽酥雞，佢啲炸粉一啲都唔厚，啲雞都醃都好入味，咬落仲好Juicy添。
然後呢度仲有台灣嘅特色小食，蛋餅，我哋試咗個芋泥蛋餅，佢入邊啲芋泥甜甜地，再加埋少少芝士同埋肉鬆，膩就膩咗啲，但係好好味。
最後再加埋一個健康嘅肉燥A菜，我成日將呢種菜同油麥菜撈亂，但其實佢有一個獨立嘅品種，係真係得台式餐廳先會有。
最後再加埋台式飲品，分別係冬瓜茶同埋茉莉蜂蜜綠茶，兩個都唔會太甜之餘，茶味有夠出，完美嘅一餐台式晚餐，食到我哋兩個都捧住個肚走。
張貼
