喜記蟹將軍 (iSQUARE國際廣場) (已搬遷) 新店位置

好想回味以前細個三聖食避風塘炒辣蟹，但自己唔知邊間好味又怕俾人呃，見有團購$298加一加茶芥有辣蟹、炒麵同蜆都幾好咁就買左。豉汁炒蜆: 全餐最好味，係我食過最好味ge炒蜆，全部蜆都仲痴住個殼，冇吉殼，仲大大粒肉，任碟得一兩隻有沙，但可惜偏鹹。蟹油炒麵: 冇特別，幾乾身，只可以算一碟好味ge豉油王炒麵。避風塘炒辣蟹: 勝在夠多蒜，但隻蟹真係冇咩肉食，仲要一點點蟹味都冇，食落油淋淋同死辣，雖知係團購但冇諗過咁差非常失望，如果要俾正價幾百蚊食真係……唉~椒鹽九肚魚併魷魚: 呢個係加ge~$98黎講都幾細碟，不過都真係幾好食，夠乾身，九肚魚外脆內軟。服務方面，都幾好，有禮貌，主動幫你換碟，加番D分。總括來說都合格，只要唔係去食蟹都食得過。