影片
更多
2015-09-22
2981 瀏覽
未睇字海之後講明先開心得濟反而唔記得影食物相所以無相 請各位慢慢睇字海圍威喂果陣最好食d乜?我地班友就最話係打邊爐喇!你問我點解唔係放題?因為有限時囉!坐一陣又要交枱,之後又要諗去邊!打邊爐可以坐耐D!除左又係任食果D喇!而家個個都要番工,時間難約,出到黎大家都係想吹下水,講下近況交心一下, 坐一陣又邊夠過癮!哎呀!話題好似遠左DD!不過其他都係想講番呢間野!Canton Pot!係!係佢!無中文名既火鍋餐廳!因為佢比我最難忘既就係,佢無限時得黎又環境好!仲有服務好!事關今日各路朋友都出到黎食飯,咁我就見之前電視節目有介紹呢到,咁最初望到都覺得ok,就打電話book今日,咁一講電話 電話入面既職員把聲唔錯,夠晒禮貌 (酒店丫嘛!) 咁我問到電視節目果d問題。講左一陣,哦!原來有貴賓房既!咁我就話要想房喇,咁位職員同我講話要最低消費既,仲有話間有卡啦ok!我即刻心諗,下?卡啦ok?打邊爐仲有卡喇ok咁過癮!?咁講完個價錢都算ok,心諗反正都係十二個人喇,咁就要呢間大房喇!話晒老遠黎呢到都想坐得好食得好d(呢間野個位係幾難搵既..陰公) 咁人地5點鍾開門做生意 咁我都係book左6點鍾,咁
圍威喂果陣最好食d乜?我地班友就最話係打邊爐喇!你問我點解唔係放題?因為有限時囉!坐一陣又要交枱,之後又要諗去邊!打邊爐可以坐耐D!除左又係任食果D喇!而家個個都要番工,時間難約,出到黎大家都係想吹下水,講下近況交心一下, 坐一陣又邊夠過癮!
哎呀!話題好似遠左DD!不過其他都係想講番呢間野!Canton Pot!係!係佢!無中文名既火鍋餐廳!因為佢比我最難忘既就係,佢無限時得黎又環境好!仲有服務好!事關今日各路朋友都出到黎食飯,咁我就見之前電視節目有介紹呢到,咁最初望到都覺得ok,就打電話book今日,咁一講電話 電話入面既職員把聲唔錯,夠晒禮貌 (酒店丫嘛!) 咁我問到電視節目果d問題。講左一陣,哦!原來有貴賓房既!咁我就話要想房喇,咁位職員同我講話要最低消費既,仲有話間有卡啦ok!我即刻心諗,下?卡啦ok?打邊爐仲有卡喇ok咁過癮!?咁講完個價錢都算ok,心諗反正都係十二個人喇,咁就要呢間大房喇!話晒老遠黎呢到都想坐得好食得好d(呢間野個位係幾難搵既..陰公) 咁人地5點鍾開門做生意 咁我都係book左6點鍾,咁呢晚我地預左路難搵點知又早到左,諗住等一陣先入得,點知一上到去,D侍應聽到電梯聲,未開門已經係門口等緊,問完少少資料就安排我地入房,仲即刻開左個k我地過下癮先,咁唱k最緊要有杯野飲 咁侍應都推薦左d啤酒比我地!掂!佢有支西班牙咩拎獎啤酒!大支!好飲!埋單好似叫左十幾支...
咁人齊喇!更係叫野食! 但係難題又黎喇!嘩!咁鬼多鍋底試邊個好?最後都係由侍應哥哥介紹左d咁都揀完,間k房有4個爐,叫左4個鍋,但係八款口味!做左雙拼!要辣有麻辣(唔夠仲可以加辣lol) 唔辣有皮蛋莞茜 補湯有花膠湯 特色有牛肋骨湯!仲有幾款唔記得左 咁鬼多鍋底過左陣d湯底黎晒 滾起竟然見到有樣野叫試湯what?咁有個杯仔比我地飲湯!侍應哥哥話d湯基本上可以飲 因為有補湯既關係!(咁有個frd口痕去飲麻辣 結果就...)咁d食物陸陸續續上,上菜好有層次feel,肉類>海鮮>丸類/餃子>配料>菜>面類.
咁講牛肉先喇!有日本宮崎和牛!本地牛頸脊!黑安格斯!好似仲有幾款,佢D類別都滿足到我地呢班肉食獸,不過和牛雖然好高級,不過打邊爐就好多油,變相麻麻地,所以各位遲d去就睇下試唔試喇!牛頸脊夠滑!好似食緊滑牛咁!之後到豬肉,試左隻叫綿羊豬既高級豬,口感同電視介紹過既差唔多,肉感似食緊和牛。咁到海鮮 好似都無乜特別 不過侍應話叫海鮮有著數既關係都叫左幾樣 咁個著數係下面題外話會講 又幾抵食既!咁丸類有隻叫4合丸 mix埋幾樣野做一粒丸 真係花功夫,食完感覺唔錯,味道mix得幾好。到餃子喇又係N咁多款野,咁肉食左都幾多,試番d菜餃,食左隻叫羊肚菌餃,菇黎既。（岩岩聽到仲以為係羊）不過之後叫d配料同菜就有d麻麻,唔係話唔好食 食普通左d,菜類唔係樣樣有 不過d栗米同紫蕃薯都幾甜,好味我地叫左幾轉,仲有人生食栗米佢仲有甜品 不過我地都食飽飽喇 試唔到 唯有下次先好喇 食物無圖介紹仲係講唔多。
整體上呢間火煱店係唔錯,10分我比夠8分, 再比多分係侍應招呼一流 9分! 分數比咁高係環境真係好好,水準高,裝修有番佢呢間酒店既級數,食物種類多,唔同花款。整體服務質數好,同埋個價錢真係酒店級果一分唔比埋既原因係因為地標真係幾難搵,d的士大哥都話唔知廣東道1131號係邊(事後問番侍應哥哥話坐的士要話係豪華戲院落 大家記住) 其餘質素都好好,唔錯,一定會再黎,包間k房開party!
題外話/補充資料：
海鮮佢地做緊1送1 叫邊樣送番邊樣 幾抵食 K房夠大坐到14個人 不過佢地話20+ 就有另一間房可以提供
同埋可以帶自來酒 同CAKE 咁佢都有收費 不過打電話可以問清楚佢地 開PARTY搞團聚 呢間野真心唔錯 可以一試
(以上食評乃用戶個人意見 , 並不代表OpenRice之觀點。)
張貼