Honbo (已結業)

朋友介紹5月28日係國際漢堡日，honbo會有活動，星期五六日三日有限定漢堡。之前都食過兩次Honbo，個包認真好食，撞正周六中午出街搵食，一於去試下。個限定漢堡原來無得跟餐，不過淨係個包份量已經相當大，非常飽肚，漢堡肉非常多汁，面包鬆軟，中間夾的薯餅（店員話中間的薯餅就係跟餐小食夾埋一齊）非常脆，一啖入口，真係又脆又鬆軟又多汁，認真好食。據聞每日前57位顧客會送限定Tee，我11點45分到，等開門，11點55分已經排起長龍，想要Tee嘅朋友可能要早少少去。