真味鮮廚 (已結業)

由於今日我們差唔多3點幾4點先食午飯，但因夜晚有世界盃賽事，爹哋話要今晚提早食飯之後返屋企睇波，所以我們喺觀塘附近做完嘢之後，就去咗1亞太中心嘅「真味鮮廚」食晚飯！因唔係好餓，所以我們首先叫咗隻阿拉斯加長腳蟹嚟食，店員好有禮咁問我們想要蛋白花雕蒸或日式凍食？而我們就揀咗蛋白花雕蒸，因係新鮮即叫即劏，所以肉質超結實彈牙，味道極之鮮甜，而且有淡淡嘅花雕香味！我們每人另外叫咗碗白粥，將啲芳香軟滑嘅蛋白放入白粥入面一齊食，味道竟然係非常夾，令人有種回味無窮嘅感覺，真係好正呀！之後我們另外叫咗加拿大象拔蚌刺身，肉質超鮮甜爽脆，鮮味嘅程度係完全唔需要配醬油一齊食，真係超正呀！