J.Co Donuts & Coffee (已結業)

早排將軍澳中心開左間J.Co Donuts & Coffee，一向係佢地Fans既我當然有去幫襯啦。不過呢，因為近左，所以反而冇以前佢只有灣仔店時咁有心癮，久唔久就想去買番1，2打回家食。今次係仔仔暑假完結前再去Tea一Tea，順便用左上次新開張幫襯時送的Coupon三個Dounts原價要45蚊，因為有Free 杏仁東甩Coupon所以只係30蚊姐，即時覺得好抵呢杏仁同綠茶，一向都係我所愛，每次買回家我都實會揀依2款的，而港式鴛鴦係新口味，仔仔點的，我試左一啖，就覺得十分麻麻地；一定冇下次，太多粉，又太甜咁。而飲品呢，就係買一送一的，但只限中杯或大杯，所以叫左一個中的朱古力沙冰，一個中的Iced Caramel Jcoccino，另外叫多個細的Iced Chocolate比婆婆，點解我同婆婆都飲朱古力呢，係因為上次咖啡其實麻麻地，Iced Caramel Jcoccino係好飲既，但係佢冇沙冰，所以我又冇乜興趣。不過咁，我本來就唔係太好咖啡，所以標準可能比較高。