龍味館

營業中

休息中

今日朋友帶我去試新餐廳，我哋兩個都鍾意食龍蝦 ，佢帶我黎呢間以龍蝦為主題嘅中菜廳食晚飯，餐廳環境寧靜，座位舒適。招牌撈汁小海鮮$98呢個涼拌，味道少少麻辣，好醒胃。海鮮有爽口嘅北寄貝，爽滑彈牙的鮑魚，下底仲有啲蓮藕同埋青瓜。芝麻吊燒雞$168燒雞上面鋪滿晒香脆芝麻，好吸引，燒雞好香，皮脆肉嫩，雞皮脆，好似食緊薯片咁。蘸埋蒜香甜豉油真係好好味。龍蝦湯海鮮泡飯$188海鮮好豐富，有半隻龍蝦，兩隻大蝦，一隻鮑魚以及一隻青口。龍蝦湯味道非常濃郁，好鮮甜，食泡飯嘅時候加上脆米，口感更加有層次。龍蝦非常新鮮，肉質爽滑，味道鮮甜，很不錯。薑茶湯圓好夠薑味，暖胃之選。芝麻湯圓口感軟糯好流心。