影片
更多
2017-05-19
60 瀏覽
韓國九層塔嘅熱潮雖然已經減退, 但酷愛海鮮嘅我, 當然要去試試喇!!! 之前喺首爾已經試過當地好出名嘅九層塔, 但食完覺得好失望, 因為啲貝類太靭喇!!! 朋友話九重鮮嘅九層塔唔同, 話一定要帶我黎為香港版九層塔大平反!!!店舖位於樓上舖, 牆身有粉筆畫, 有少少壁畫村嘅感覺。餐廳空間都大, 有呢啲韓國式嘅座位, 有正常嘅沙發位。呢度點餐係揀唔同嘅塔, 計人頭嘅, 我地揀左個中間價$398/位。首爾塔以海鮮為主, 啱哂我呢個海鮮迷!!! 餐廳仲有8款名字好得意嘅醬, 每人可以揀兩款。基本上每款都同海鮮出奇地配合喎~等左一陣, 我嘅首爾塔黎喇, 上面插住支溫度計, 大家唔洗驚唔識處理, 店員會黎講解架, 而且好清晰!粥底我地揀左人蔘雞湯進補下! 點餐後, 有4款韓式小食, 款款都好味同開胃呀!等左大概5分鐘後, 終於可以開第一層喇!!! 見到甘正嘅象拔蚌同蟶子皇, 真係令人胃口大開。蟶子皇同象拔蚌大大隻, 好新鮮好甜, 一啲都唔靭, 唔似喺首爾食嗰時, 靭都食唔到!!! 嘩!!! 我最愛嘅大帶子呀!!! 帶子肉厚, 湯汁好有鮮味, 帶子彈牙鮮甜, 蒸得剛剛好。絲瓜保留水汁, 好好味清甜!
店舖位於樓上舖, 牆身有粉筆畫, 有少少壁畫村嘅感覺。
餐廳空間都大, 有呢啲韓國式嘅座位, 有正常嘅沙發位。
呢度點餐係揀唔同嘅塔, 計人頭嘅, 我地揀左個中間價$398/位。首爾塔以海鮮為主, 啱哂我呢個海鮮迷!!! 餐廳仲有8款名字好得意嘅醬, 每人可以揀兩款。基本上每款都同海鮮出奇地配合喎~
等左一陣, 我嘅首爾塔黎喇, 上面插住支溫度計, 大家唔洗驚唔識處理, 店員會黎講解架, 而且好清晰!
粥底我地揀左人蔘雞湯進補下! 點餐後, 有4款韓式小食, 款款都好味同開胃呀!
等左大概5分鐘後, 終於可以開第一層喇!!! 見到甘正嘅象拔蚌同蟶子皇, 真係令人胃口大開。蟶子皇同象拔蚌大大隻, 好新鮮好甜, 一啲都唔靭, 唔似喺首爾食嗰時, 靭都食唔到!!!
嘩!!! 我最愛嘅大帶子呀!!! 帶子肉厚, 湯汁好有鮮味, 帶子彈牙鮮甜, 蒸得剛剛好。絲瓜保留水汁, 好好味清甜!!!
花尾龍躉大大件好厚肉, 無骨啱哂懶人食, 娃娃菜墊底, 方便大家夾起, 唔會散, 魚皮厚身又軟滑, 充滿骨膠原甘。
海花蟹殼薄身易食, 有膏, 肉質細嫩, 鮮甜而且肉一絲絲!! 黑椒牛脷厚切, 黑椒惹味, 好淋易入口。爆濃芝士丸, 芝士控大愛, 甜甜地好濃郁。仲有鮑魚, 海蝦同其他貝類每樣都好新鮮甜美, 一啲沙都無, 餐廳事前準備得好好!!! 蕃薯南瓜粟米好綿好甜, 唔食南瓜嘅我第一次食哂一舊南瓜, 因為真係好好味!!!
食完就可以食埋個人蔘雞湯粥底, 店員熟手地將隻雞拆開, 粥好綿而且鮮甜, 有齊上層海鮮們嘅精華!!! 好驚喜有蜆同年糕一齊煮, 好好味!!!
店員服務好好同細心, 而且有禮貌同笑容! 基本上食完每一層, 店員好快見到幫你收走, 等你享用下層。
九層塔層層食, 都幾有驚喜, 因為你唔知下一層係咩正嘢, 所以食完一層就對下一層充滿期待!!! 香港九重鮮完完全全為九層塔平反呀! 香港版好食好多!!! 下次可以試試其他塔~
張貼
