更多
2018-01-08
1593 瀏覽
秋高氣爽，最正就梗喺去行山啦，呢個星期六又跟人行山，目的地哋甚少行嘅西貢，有人安排晒一齊就最好不過。遠足路線喺過咗西沙之後，由水浪窩行到去深涌，沿路有山有水，全程平路，輕鬆易行到不得了。行到近尾段榕樹澳，接近中午，都喺食晏嘅時間，一早已安排嚟「來記士多」食嘢，咪聽見「士多」就以為都喺餐蛋麵之類速食，查實佢喺非一般嘅士多。晌門面，掛上大大張帆布，寫住「香煎蠔餅」、「蝦球炒麵」……已知唔喺一家普通士多，走入「士多」，環境非常有鄉郊風情，簡陋卻有歷史嘅味道，清幽卻有說不出嘅隱蔽，總之，感覺讓人好舒暢。講到成喺非一般士多，咁究竟佢有咩賣？在我嚟講，就喺鄉郊私房菜，喺店主娥姐嘅秘密菜式，賣嘅喺特色鄉郊風味。此外，更有一系列「來記推介」，呢堆先喺亮點。尤其柴火煨雞、柴火菜乾豬骨粥、香煎蠔餅更喺店中名物，記得想食煨雞就要預訂，我哋一行13人就訂咗兩隻。既然喺推介，當然要試啦！除咗鄉郊風味、來記推介，仲有啲咩食？佢哋都有個正式餐牌架，仲有其他炒炒粉飯麵、炒菜、灼菜……等等，明碼實價，而且，鄉村士多必備嘅餐蛋麵、腿蛋麵、腸蛋麵……都有供應。飲品，推介佢哋啲豆漿及涼茶，自家製又無添加嘛，好過飲汽水啦。上文
晌門面，掛上大大張帆布，寫住「香煎蠔餅」、「蝦球炒麵」……已知唔喺一家普通士多，走入「士多」，環境非常有鄉郊風情，簡陋卻有歷史嘅味道，清幽卻有說不出嘅隱蔽，總之，感覺讓人好舒暢。
講到成喺非一般士多，咁究竟佢有咩賣？在我嚟講，就喺鄉郊私房菜，喺店主娥姐嘅秘密菜式，賣嘅喺特色鄉郊風味。
此外，更有一系列「來記推介」，呢堆先喺亮點。尤其柴火煨雞、柴火菜乾豬骨粥、香煎蠔餅更喺店中名物，記得想食煨雞就要預訂，我哋一行13人就訂咗兩隻。既然喺推介，當然要試啦！
除咗鄉郊風味、來記推介，仲有啲咩食？佢哋都有個正式餐牌架，仲有其他炒炒粉飯麵、炒菜、灼菜……等等，明碼實價，而且，鄉村士多必備嘅餐蛋麵、腿蛋麵、腸蛋麵……都有供應。飲品，推介佢哋啲豆漿及涼茶，自家製又無添加嘛，好過飲汽水啦。
上文提及菜式有柴火乜、柴火物，帶大家睇睇佢哋個「開放式」廚房，堅喺柴燒無花假，夠晒原始，好多後生嘅都未親眼見過。雖然做出嚟嘅菜式應該唔會特別好味咗，但食嘅喺一種風味同舊情。順帶一提，地方雖然簡陋，卻喺好乾淨，廁所更好過沿路嚟嘅公廁。
山水豆漿 $15、自家製涼茶 $15行到大家有啲渴，雖然人人都有帶水，但點都要試試佢啲豆漿。一樽豆漿大概分到3杯，基本得凍嘅，要熱嘅話都喺熱番俾你。啲豆漿又唔喺話超級好飲，算夠豆味，少甜，冰涼解渴。
柴火菜乾豬骨粥 $110唔知喺咪店主認為我哋會好肚餓，所以，先嚟一窩菜乾豬骨粥，晌餐牌標嘅價喺碗裝（$22碗），其實喺有一窩窩咁賣，份量夠我哋分到一人一碗滿嘅。啲粥煮得好綿，菜乾吊起啲鹹味，而豬骨令到啲粥有甜香，粥內拆咗唔少肉，成件事就喺配搭好。
柴火菜乾豬骨粥
$110
54 瀏覽
2 讚好
0 留言
柴火煨雞 $230今日嘅主角卒之「閃亮」登場，阿師傅好識做，唔單止任我哋影佢個廚房重地，更專登拎一隻出嚟俾我哋影完相先攞返入去斬件，抵讚。師傅話其實隻雞要煨成45分鐘，不過，嚟到無耐就有得食，因為，訂雞時老闆娘千叮萬囑，起步時就聯絡佢哋預校時間煨雞，嚟到就有新鮮熱辣煨雞食。
一隻雞斬起有成一大碟，唔喺誇張，雞肉確喺堅滑溜，肉質細嫩，煨焗嘅火喉啱啱好，入口有好香嘅香茅味，誇張啲講真喺滲晒入每吋雞肉，原來喺釀入好多香茅晌肚內煨，不過，啲香茅碎又唔會食到「口巉巉」，因為香茅本身都幾硬身，師傅講喺事前處理過。
柴火煨雞
$230
65 瀏覽
2 讚好
0 留言
蝦球炒麵 $82寫得蝦球就真喺俾足料你，大大粒蝦球無欺場，唔喺啲蝦毛、蝦仁，睇得出切蝦嘅手法喺用上新鮮蝦，入口爽彈且有蝦味，麵條亦炒得爽身唔油，師傅嘅手勢認真唔錯，好食。
香煎蠔餅（大）$93蠔餅有分大細，我哋咁多人梗喺要點個大啦，呢度嘅蠔餅厚到好似厚批咁，用蛋量十足，煎得底面都金黃，店主好有心思，備有刀叉方便客人切嚟分享。食落極富蛋香，而裡面混有唔少蠔肉，鮮甜好味，不愧店家嘅名物。
香煎蠔餅
$93
56 瀏覽
2 讚好
0 留言
豉椒炒蜆 $93呢度食嘢嘅特色除風味，就喺份量大，一客炒蜆堆到成座山咁，而且，隻隻蜆都夠晒大隻，肉厚又無沙，啲豉椒完全入晒味，正呀喂！
豉椒炒蜆
$93
36 瀏覽
2 讚好
0 留言
蒜蓉炒菜 $42
晌新界食新界菜，賣點就喺新鮮，雖然簡單一道蒜蓉炒菜心苗，菜心苗寧舍鮮嫩，蒜味恰好，唔會太冚過啲菜嘅甜味，呢啲咪就喺新鮮嘅真理囉。
山水豆腐花 $10
嚟到餐飯嘅尾聲，點唔可唔一試佢哋啲山水豆腐花呀！一碗碗雪白嘅豆花轉眼送到，但老實講，滑溜嘅程度真喺唔錯，不過，豆味就無話好強，但$10大大碗，小弟都收貨。
茶果 $15呢個同場加映嘅甜點並無放入餐牌，因為喺不時供應嘅製作，碰得上喺你嘅緣份。加入雞屎藤嚟做，以芝麻為饀心，外皮柔韌黏糯，芝麻饀清甜芝麻咪濃。
為方便食客離開時嘅交通安排，店主仲將馬料水至塔門（經深涌、荔枝莊）街渡嘅船期表放大貼出嚟，又有聯絡紅的、綠的嘅資料。
最後都想分享少少呢次行山嘅經驗，文初都講過，由水浪窩經榕樹澳行到去深涌，由於全程平路，真喺無乜難度，好適合長者或小朋友，但沿途有山有水，又有個小規模濕地、石灘，晌深涌更有超大幅草地，點碌點玩都得，玩航拍更喺一流。最後，由深涌坐街渡返回馬料水，唔使走回頭路，非常方便，仲可以看看海，睇吓海鷗，喺船費貴啲啫。
環境好、招呼好、食物好，唔單止俾行山客歇一歇，更喺讓人舒暢地享受鄉間閒情，晌度食飯，有少少時間停頓嘅感覺。
張貼
