燚 (已結業)

路過呢間前身係芝加哥串燒酒場，而家應該轉左手，改成一間迷你日式鐵板燒酒吧，叫燚。由於店內坐位不多，加上疫情人數有限，建議先預約，好讓店方安排及預備足夠食材。我入坐當時已有兩枱客。而餐牌有3個鐵板燒套餐，我點了個入門餐試試。講明先：呢度燈光昏暗，冇打燈好難影靚相，亦因為唔想影響另外兩枱客，請見諒。入門廚師發辦套餐588義大利黑醋汁沙律日本柚子汁配鮑魚大蝦食得出鮑魚同大蝦新鮮，個汁帶出海鮮本身鮮味。澳洲M5和牛粒配葡萄雪梨汁可能因為成本問題冇使用日本和牛，不過勝在所選用既部位出色同鐵板燒手法了得，外香內軟腍，果然係今晚既主⻆。鐵板炒飯出面食的鐵板燒炒飯一般非常乾身，呢間唔會太乾，合乎香港人口味？