影片
更多
2024-01-19
1187 瀏覽
難得個朋友感恩話我成日請佢食飯, 襯一段時間冇見約我出嚟話請我食火鍋, 知有成日出去食好西, 所以問我有咩好推介！諗返起前排同朋友去開一間有四食嘅火鍋店, 所以介紹畀朋友, 朋友覺得都唔錯所以一齊book位去食.翻查一下網上報導原來呢間紅火鮮料火鍋專門店已經開業十幾年, 位於旺角兆萬中心17樓, 因為上次食過啲品質唔算太差, 所以叫朋友一齊嚟再試下, 因為個朋友鍾意平靚正, 我覺得平得嚟又唔係話太差所以就... 佢除咗有麻辣雞煲之外仲有火鍋湯底可以食火鍋, 兼且仲有刺身仲有韓式燒烤, 對我嚟講四合一價錢三百零蚊食物種類又多呢個價錢有咁多選擇算係咁樣！首先一坐低就係選擇項目食啲乜同揀咩火鍋湯底, 我哋話得食四食就要食四食, 頭盤嚟咗個海鮮蒸鍋, 有扇貝、生蠔、花甲同海蝦, 最鍾意食蒜蓉生蠔不過炭燒生蠔比較喜歡一啲, 啲海鮮都好新鮮好入味, 食完個海鮮就嚟咗個麻辣雞煲, 啲雞真係好入味同埋食到個嘴痺痺哋, 好新鮮好嫩滑, 食食下 麻辣雞煲就嚟咗個我哋頭先 喺網上點咗嘅刺身, 刺身方面有三文魚、虎蝦刺身、仿鮑魚、生蝦刺身同埋蟹柳, 真係好滋味大滿足！飲品方面佢都有好多選擇有兩個大凍櫃裝咗嘢飲
翻查一下網上報導原來呢間紅火鮮料火鍋專門店已經開業十幾年, 位於旺角兆萬中心17樓, 因為上次食過啲品質唔算太差, 所以叫朋友一齊嚟再試下, 因為個朋友鍾意平靚正, 我覺得平得嚟又唔係話太差所以就... 佢除咗有麻辣雞煲之外仲有火鍋湯底可以食火鍋, 兼且仲有刺身仲有韓式燒烤, 對我嚟講四合一價錢三百零蚊食物種類又多呢個價錢有咁多選擇算係咁樣！
首先一坐低就係選擇項目食啲乜同揀咩火鍋湯底, 我哋話得食四食就要食四食, 頭盤嚟咗個海鮮蒸鍋, 有扇貝、生蠔、花甲同海蝦, 最鍾意食蒜蓉生蠔不過炭燒生蠔比較喜歡一啲, 啲海鮮都好新鮮好入味, 食完個海鮮就嚟咗個麻辣雞煲, 啲雞真係好入味同埋食到個嘴痺痺哋, 好新鮮好嫩滑, 食食下 麻辣雞煲就嚟咗個我哋頭先 喺網上點咗嘅刺身, 刺身方面有三文魚、虎蝦刺身、仿鮑魚、生蝦刺身同埋蟹柳, 真係好滋味大滿足！
飲品方面佢都有好多選擇有兩個大凍櫃裝咗嘢飲, 有好幾款啤酒、幾款汽水、 烏龍茶檸檬茶, 芒果汁同蘆薈汁又點少得呢？？
食完個麻辣雞煲繼而就係食韓燒, 佢個牛仔骨好好味真係要食多幾塊, 我又繼續嗌多幾隻扇貝 我個朋友仔鍾意食魚所以叫咗幾條秋刀魚食, 食完依一轉梗係上最後一式叫火鍋菜式, 老實講食咗幾樣菜式真係飽到八九成, 最後衝刺 食返啲輕劇嘢少少肉丸牛柏葉同埋腐竹豆卜, 最後食埋個雪糕就大滿足, 我就揀咗個雲呢拿雪糕同埋士多啤梨雪糕, 真係飽到上心口！
店舖收銀話當天是星期六要每位加20元假期費用, 額外收10% 服務埋單費總數為$612.
張貼
