The Optimist

營業中

休息中

今日係四周年紀念日，老婆今年轉咗份新工喺灣仔工作，咁岩同事介紹呢間餐廳又係灣仔，提早個幾星期訂位，mark埋今日係慶祝周年紀念，餐廳位置方面都唔錯，好近地鐵站一出行幾分鐘就到，環境都好舒服整潔，裝修都好靚，igable。食物方面，我地簡左chef feed me, 大部份食物都唔錯，雖然唔會令你覺得好驚豔，但基本上每樣野都唔會伏，龍蝦意大利飯除左好食之外，打卡一流，食物擺盤同餐具都有一定水準。服務方面我會比滿分，服務我地既都係同一位店員，上甜品果時，店員都好好會自動波寫上祝福字句，又會幫我地清理定好枱面，幫我地影返張靚相同會準備咪即影即有相比我地留紀念，影相果時仲會叫我地擺多幾個pose影多幾張相，當日有好幾張枱有人生日，會有人彈結他唱生日歌比壽星，氣氛都幾輕鬆同開心，整體黎講都係一個幾好既體驗，值得推薦。