影片
更多
2021-03-27
113 瀏覽
限聚又限聚，已經唔記得幾耐冇食餐好！終於來到這一天可以好好同朋友見一見，更係要搵間環境美氣氛佳！唔好浪費左難得既晚餐！我地決定用4款不同小食掀起序幕，包括墨西哥芝士雞肉餡餅，水牛城雞翼，三文魚籽蟹肉脆餅，同埋生牛肉他他。我唔知道大家對於生牛肉既感覺係點，而我本人並非十分愛好生肉，抱住慷慨就義既心情勇敢一試，結果竟然係甘驚喜。牛肉滑溜有油香，頂住輕盈泡泡加鮮花，內外兼備，有姿勢有實際，一箭擊中我地既少女心。雞翼甜辣適中，雞肉嫩滑爆汁，食完係意猶未盡。2個餅類味道剛好，份量夠大，性價比方面我會俾佢滿分💯食完小食，食返個新鮮沙律清下口，薄切章魚彈牙，蔬菜新鮮，牛油果份量多食極都仲有。重頭戲嚟啦！呢份巨型燒烤牛肋條一上枱已經令到我哋全部嘩一聲！油脂分佈平均，陣陣牛肉香，侍應哥哥介紹不同醬汁，試咗所有配搭後個人推介simple but classic鹽同黑椒，將牛肋條既牛味提升到另一個層次。唯一嘅缺點係略為油膩（牛肋條就是這樣）食唔到多。是夜澱粉質係海膽汁煎帶子闊條麵，頂層裝飾左少女心泡泡，包住煎香左既帶子，海膽汁啖啖足料，仲有好！多！海膽肉，味道鮮甜甘香，差啲要叫多碟encore!最後用2個可
限聚又限聚，已經唔記得幾耐冇食餐好！終於來到這一天可以好好同朋友見一見，更係要搵間環境美氣氛佳！唔好浪費左難得既晚餐！
我地決定用4款不同小食掀起序幕，包括墨西哥芝士雞肉餡餅，水牛城雞翼，三文魚籽蟹肉脆餅，同埋生牛肉他他。
我唔知道大家對於生牛肉既感覺係點，而我本人並非十分愛好生肉，抱住慷慨就義既心情勇敢一試，結果竟然係甘驚喜。牛肉滑溜有油香，頂住輕盈泡泡加鮮花，內外兼備，有姿勢有實際，一箭擊中我地既少女心。
雞翼甜辣適中，雞肉嫩滑爆汁，食完係意猶未盡。2個餅類味道剛好，份量夠大，性價比方面我會俾佢滿分💯
食完小食，食返個新鮮沙律清下口，薄切章魚彈牙，蔬菜新鮮，牛油果份量多食極都仲有。
重頭戲嚟啦！呢份巨型燒烤牛肋條一上枱已經令到我哋全部嘩一聲！油脂分佈平均，陣陣牛肉香，侍應哥哥介紹不同醬汁，試咗所有配搭後個人推介simple but classic鹽同黑椒，將牛肋條既牛味提升到另一個層次。唯一嘅缺點係略為油膩（牛肋條就是這樣）食唔到多。
是夜澱粉質係海膽汁煎帶子闊條麵，頂層裝飾左少女心泡泡，包住煎香左既帶子，海膽汁啖啖足料，仲有好！多！海膽肉，味道鮮甜甘香，差啲要叫多碟encore!
最後用2個可愛既甜品完結呢一餐❤️
張貼
