點茶公館 (已結業)

環境非常乾淨 坐位坐得舒服 坐位間都分隔得好夠 唔擠迫服務員態度認真同朋友三個人試下點茶公館嘅飛機流沙包流沙包不過不失 味道正路有流心另外重叫左綠茶煎堆黑松露燒賣紅油抄手功夫茶粉果筍尖蝦餃叉燒腸粉好想時光倒流 影返低嘢食嘅質素煎堆未炸透 唔夠香脆 芝麻皮同糯米內層係分離的 燒賣同紅油抄手嘅豬肉餡 食得出係唔新鮮 完全無鮮味 黑松露都救唔到個燒賣 紅油抄手嘅醬汁都遮蓋唔到入面豬肉嘅唔新鮮壓軸一定係個 功夫茶粉果 上碟已經有一隻粉果穿左 茶果唔企身 筷子勉強夾得起茶葉皮無咬口唔煙韌 感覺個皮係用粉開水無點搓過就蒸出黎 咬落內餡亦都無乜味 只有叉燒腸粉同蝦餃係正路 對得起價錢