嚐囍煲仔小菜

營業中

休息中

秋風好似到左，但個個都知香港既秋天，係會話冇就冇，之後仲好快咁熱烈慶祝回歸夏天既懷抱。但為左感謝依陣風，都應該要認認真真咁打個邊爐或食返個有質素既煲仔飯。由於潛意識係覺得邊爐係要人多食，咁今次先黎煲仔飯，遠指西環煲仔區，探索下嗰啲米字好食推介。初嚐嚐囍，第一道菜係椒鹽九肚魚，外脆內滑。至於出名既煲仔飯，真係值得佢出名。今次叫左兩個煲，整體感覺係超級滿意，就算兩個煲係唔同內容，但佢地都控制到個餸熟，飯焦脆而不燶。或者咁講會係神化左佢地，但我諗佢地係有計埋上枱焗多陣嗰一下，焗一焗就啱啱18歲。臘味飯油香滿滿，臘腸潤腸同臘肉都係好野黎。另一個白鱔排骨都好衝擊，佢完全唔會因為頭幾啖食左個重口味既臘味飯而比下去，佢冇咁油膩之途，個飯多左種白鱔既清香同時又享用到白鱔既肥肥美美。等待煲仔飯既時間，對住佢張印滿字既點心紙….. 令人好多幻想。