榮興車仔麵

今日我個朋友帶咗我去食呢間車仔麵，個門面真係唔得到爆，如果比我自己經過，我一定唔會入去。

入到去地下係滑潺潺嘅，如果唔係我個朋友話佢幾好食，我一定走返出去。

1

個餐牌真係好難睇，有好多種選擇，我都係是但咁叫咗豬皮豬紅魚蛋油麵，加咗咖喱醬，因為事頭婆話唔會辣喎。

咖喱三併油麵

你問我係咪好好食，我只覺得普通，覺得只係好普通嘅車仔麵╮(￣▽￣"")╭

我個朋友叫咗同我嘅差唔多，再加左豬腸，但係就冇咖喱醬，跟住再叫多咗一碟魷魚牛柏葉($20)。

反而我覺得嗰碟魷魚牛柏葉都幾好食嘅。

如果你問我會唔會再去，咁我又覺得冇必要專登再去食。