影片
更多
2021-07-21
172 瀏覽
🤍楚撚記大排檔∞ ∞ ∞ ∞ ∞ ∞ ◽️豬油撈飯 10/10（HKD 20）豬油撈飯係以前嘅人嘅主食，因為生活貧困，食唔起肉，唯有撈豬油代替食肉，今時今日大家有錢食肉，好少話聽到仲要食豬油撈飯，所以小妹我都係人生第一次食阿！點知唔食唔知道，一食就停唔到，真係好好味阿！楚撚記個豬油撈飯個白飯都係好用心，同12蚊一碗嘅靚仔白飯唔同，豬油撈飯個白飯係即叫即蒸，蒸出尼個白飯係粒粒分明、偏乾身，咁佢會另上鼓油同豬油俾你，咁你中意落幾多都得，自己調配個份量。其實我都唔識形容果個味，就係食完個口回甘咁，超香口，好食過就咁食豬肉，我相信如果唔叫餸，我就咁食飯都可以食到三碗，真係名副其實嘅「白飯小偷」！叫我日日食都得！我願意！P.S. 太好味唔記得影相😂*:･･:*:･ﾟ･:,｡*◽️楚撚記脆皮燒BB鴿 8/10 (HKD 58）BB鴿熱辣辣上枱，金黃色的外皮燒到脆卜卜，外皮底下嘅肉質鮮嫩，一咬落去外脆內軟，油香四溢，鴿肉仲熱到冒煙，超級惹味！點埋淮鹽，更加好味！😋*:･･:*:･ﾟ･:,｡*◽️濃湯海鮮粉絲什菜煲8/10 （HKD 83）超級豐富嘅一道餸，
🤍楚撚記大排檔
∞ ∞ ∞ ∞ ∞ ∞
◽️豬油撈飯 10/10（HKD 20）
豬油撈飯係以前嘅人嘅主食，因為生活貧困，食唔起肉，唯有撈豬油代替食肉，今時今日大家有錢食肉，好少話聽到仲要食豬油撈飯，所以小妹我都係人生第一次食阿！點知唔食唔知道，一食就停唔到，真係好好味阿！
楚撚記個豬油撈飯個白飯都係好用心，同12蚊一碗嘅靚仔白飯唔同，豬油撈飯個白飯係即叫即蒸，蒸出尼個白飯係粒粒分明、偏乾身，咁佢會另上鼓油同豬油俾你，咁你中意落幾多都得，自己調配個份量。
其實我都唔識形容果個味，就係食完個口回甘咁，超香口，好食過就咁食豬肉，我相信如果唔叫餸，我就咁食飯都可以食到三碗，真係名副其實嘅「白飯小偷」！叫我日日食都得！我願意！
P.S. 太好味唔記得影相😂
*:･･:*:･ﾟ･:,｡*
◽️楚撚記脆皮燒BB鴿 8/10 (HKD 58）
BB鴿熱辣辣上枱，金黃色的外皮燒到脆卜卜，外皮底下嘅肉質鮮嫩，一咬落去外脆內軟，油香四溢，鴿肉仲熱到冒煙，超級惹味！點埋淮鹽，更加好味！😋
*:･･:*:･ﾟ･:,｡*
◽️濃湯海鮮粉絲什菜煲8/10 （HKD 83）
超級豐富嘅一道餸，大大兜又足料，入面有蝦仁、魷魚、小帶子、勁多菜心、小棠菜同粉絲，粉絲嘅數量驚人，可以話係有一個「粉絲海」，中意食粉絲嘅一定會好中意、好滿足！😍
味道尼講算係較清淡，我唸係濃湯寶開稀再加啲菜汁咁，似菜湯，個味都較得幾好嫁！
*:･･:*:･ﾟ･:,｡*
◽️咕嚕雞球7/10（HKD 78)
同平時嘅咕嚕肉差唔多味，但係就係好熱、份量好多、同個排骨換左做雞，咁就唔會食到骨喇，哈哈！但係有樣野扣左分，就係個炸粉有點厚，雖然雞球都好足料、好多肉，但個炸粉薄啲會好食啲！😂
∞ ∞ ∞ ∞ ∞ ∞
💭評分
味道 8/10
環境 7/10
∞ ∞ ∞ ∞ ∞ ∞
🔸備注
·好抵食阿！仲要唔收加一！
·茶精茶都好好飲阿！
·每道餸都好出色阿！
∞ ∞ ∞ ∞ ∞ ∞
📍地點
楚撚記大排檔 (📌荃灣)
荃灣川龍街118號百悅坊地下-1樓
∞ ∞ ∞ ∞ ∞ ∞
張貼
