更多
2021-01-15
705 瀏覽
今次就見到呢間餐廳係eatigo有半價就去試下,因為疫情關係,入座率好低,所以都算坐得幾舒服。二人套餐(餐湯、餐包、自助沙律吧、主菜、咖啡或茶)個沙律吧唔係好多選擇,主要係唔同既菜同幾款常見既沙律醬,另外仲有凍青口同蝦,不過疫情關係成晚都好似冇人問津,唔食都無損失。套餐配埋龍蝦湯同餐包,水準正常。西班牙伊比利亞全橡果黑毛豬鞍架主菜可以係各種肉類揀一款,以及喺意粉/飯類揀一款。肉類我哋就揀咗西班牙伊比利亞全橡果黑毛豬鞍架,塊豬鞍架上面插住西班牙國旗,幾搞笑,生熟程度剛好,夠軟腍,唔會韌,連骨既肉帶少少脂肪,好香口,點埋側邊既燒汁都唔錯。配菜就有d蔬菜同薯仔,另外仲搞笑地配有幾舊燒菠蘿,不過頗酸,最後食咗一舊就算。牛肝菌忌廉闊條麵望落份量唔多,但食落就好飽肚,菇菌份量慷慨,忌廉味香濃。人均消費:$260推介指數(10分為滿分):7.5分
二人套餐(餐湯、餐包、自助沙律吧、主菜、咖啡或茶)
個沙律吧唔係好多選擇,主要係唔同既菜同幾款常見既沙律醬,另外仲有凍青口同蝦,不過疫情關係成晚都好似冇人問津,唔食都無損失。套餐配埋龍蝦湯同餐包,水準正常。
西班牙伊比利亞全橡果黑毛豬鞍架
主菜可以係各種肉類揀一款,以及喺意粉/飯類揀一款。肉類我哋就揀咗西班牙伊比利亞全橡果黑毛豬鞍架,塊豬鞍架上面插住西班牙國旗,幾搞笑,生熟程度剛好,夠軟腍,唔會韌,連骨既肉帶少少脂肪,好香口,點埋側邊既燒汁都唔錯。配菜就有d蔬菜同薯仔,另外仲搞笑地配有幾舊燒菠蘿,不過頗酸,最後食咗一舊就算。
牛肝菌忌廉闊條麵
望落份量唔多,但食落就好飽肚,菇菌份量慷慨,忌廉味香濃。
人均消費:$260
推介指數(10分為滿分):7.5分
張貼